Në vazhdimësi të aktiviteteve të Agjencisë Kadastrale të Kosovës me qëllim të koordinimit dhe bashkëpunimit më të mirë ndërinstitucional Zv.Drejtori i përgjithëm i AKK-së z.Avni Ahmeti me bashkëpunëtorë, priti në takim Z.Ekrem Hysenaj - Drejtor i Departamentit për Zhvillim dhe Koordinim të Projekteve Zhvillim dhe Koordinim të Projekteve, Valbona Krasniqi, zv.Drejtor / Dep. Procedura dhe Kualitet të Mbledhjes së Detyrueshme, Nahit Sharku, Drejtor / Dep. për Menaxhimin e Mbledhjes së Borxheve dhe Bujar Demolli / Teknologjia Informative - Div. Zhvillimi i Aplikacioneve nga Administrata Tatimore e Kosovës.
Temat e diskutimit ishin zhvillimet e fundit të AKK-së me qëllim digjitalizimit të regjistrimit të barrës tatimore, trajtimin e vlerës së borxhit tatimor, shfrytëzimin e adresave të bizneseve tatimpaguese, etj. AKK-ja u zotua që do të bëjë anagazhim maksimal në plotësimin e kërkesave të ATK-së, por të njejtën kohë edhe nga ATK-ja u kërkua që të përmbushen obligimet e ture konform kërkesave të AKK-së.
Në fund të takimit të dyja institucionet u dakorduan që të vazhdojnë bashkëpunimin dhe koordinimin e ndërsjelltë për të arritur me sukses qëllimet e përbashkëta për lehtësim dhe digjitalizim të procedurave administrative.