Agjencia Kadastrale e Kosovës ka mbajtur trajnim për të gjithë Përmbaruesit privat të Republikës së Kosovës. Qëllimi i këtij trajnimi ishte njoftimi nga afër me hapat që përmbaruesit duhet të ndjekin në Sistemin e shërbimeve digjitale të AKK-së, për regjistrimin e shënimit për njësitë kadastrale që do të jenë objekt i Akteve përmbarimore.
Vendosja e këtij shënimi në Regjistrin e të drejtave pronësore do të ngrisë nivelin e sigurisë së të dhënave kadastrale dhe do të ndihmojë në parandalimin e zhvillimit të procedurave tjera për njësitë kadastrale me ndalesa nga Përmbaruesit privat.
Meqë fokusi i AKK-së do të jetë digjitalizimi i shërbimeve kadastrale, Përmbaruesit privat poashtu u njoftuan edhe me angazhimin e institucionit tonë për të zhvilluar modulin e ri nëpërmjet të cilit regjistrimi i Akteve përmbarimore në regjistër do të bëhet nga ana e vet përmbaruesve.
Një zhvillim i tillë është mundësuar kohë më parë edhe për Noterët, të cilët janë trajnuar poashtu nga AKK-ja, dhe përafërsisht 3 muaj nga sa është publikuar kjo mundësi për ta, në Regjistrin e të drejtave pronësore janë regjistruar afërsisht 10275 shënime (Akte noteriale) nga Noterët.