Qeveria e Republikës së Kosovës, në mbledhjen e 145-të të mbajtur me datë 7 qershor 2023, ka miratuar Projektligjin për Kadastër të Pronës së Paluajtshme. Ky Projektligj i është përcjellur mandej Kuvendit të Kosovës, të cilin deputetët e kanë votuar me shumicë votash në lexim të parë dhe shumë shpejt pritet të votohet edhe në lexim të dytë.
Grupi punues për Projektligjin nr. 08 /L-237 për Kadastër të Pronës së Paluajtshme, ka mbajtur 4 takime për të shqyrtuar këtë projektligj me dt.22.9.2023, 27.9.2023, 02.10.2023 dhe 10.10.2023. Në takime kanë marrë pjesë përfaqësuesit e AKK-së, MMPHI-së, nga Shoqata e Gjeodetëve të Kosovës, nga AKKVP-ja si dhe Këshilltarë Juridik nga Kuvendi.
Sot me dt.19.10.2023, Projektligji për Kadastër të Pronës së Paluajtshme, është shqyrtuar dhe aprovuar nga Komisioni për Mjedis, Ushqim, Bujqësi, Planifikim dhe Zhvillim.
Pritshmëritë e AKK-së janë që brenda vitit 2023, vendi do të ketë të dekretuar Projektligjin e ri për Kadastër të Pronës së Paluajtshme.