Sot me datë 02.11.2023 AKK-ja ka filluar vizitat nëpër komuna në të cilat ka përfunduar tashmë monitorimi punëve dhe aktiviteteve nga grupi monitorues i AKK-së. Për të dorëzuar këto raporte me gjetjet dhe rekomandimet nga ky proces, Zv. Drejtori i përgjithshëm i AKK-së Avni Ahmeti, bashkë me Zv. Drejtorin Ligjor Bashkim Shaqiri dhe Drejtoreshën e Financave Fazile Hamiti u takuan me Kryetarin e Komunës së Skënderajit Z. Fadil Nura.
Ky monitorim është i teti me radhë, ndërsa i pari pas hyrjes në fuqi të Udhëzimeve Administrative të reja. Për këtë aktivitet AKK-ja ka formuar tri grupe punuese për kontroll të lëndëve për pjesën grafike, pronësore-juridike, tekstuale si dhe lëndëve të gjeodetëve dhe kompanive gjeodete të licencuara. Kontrolli është bërë nga dosjet e skanuara e të cilat janë të bashkangjitura në SIKTK dhe të njëjtat lëndë mandej janë verifikuar edhe fizikisht nga vizitat nëpër ZKK.
Përzgjedhja e lëndëve për kontrollë është bërë në formë të rastësishme dhe përfshinë periudhën kohore Korrik 2022 - Mars 2023.