Pas funksionalizmit të punës së Zyreve Kadastrale Komunale: Mitrovicë Veriore, Leposaviq, Zubin Potok dhe Zveçan, AKK-ja dje gjatë ditës ka realizuar një vizitë në të gjitha këto komuna për të parë nga afër mënyrën e funksionimit të tyre dhe sfidat potenciale me të cilat po ballafaqohen ata. Zyrtarët e këtyre komunave shprehën nevojën për vazhdimin e mbështetjes deri në funksionalizmin e plotë të zyreve, e cila do tu ofrohet edhe gjatë javës tjetër nga stafi i AKK-së.
Përndryshe puna e këtyre ZKK-ve tashmë ka filluar të marrë rrjedhën normale dhe vërehet interesim i madh i qytetarëve nga ato komuna për shërbime kadastrale.
Zv.Drejtori i përgjithshëm i AKK-së Avni Ahmeti premtoi që Agjencia Kadastrale e Kosovës do të vazhdojë mbështetjen e plotë për të gjitha komunat e Republikës së Kosovës dhe mbetet e përkushtuar në ofrimin e shërbimeve sa më të mira kadastrale për qytetarët.