Agjencia Kadastrale e Kosovës ka marrë pjesë në takimin online të mbajtur nga organizata e Kombeve të Bashkuara për Menaxhimin Global të Informacioneve Gjeohapësinore (UN-GGIM) për Evropë dhe organizata tjetër e Kombeve të Bashkuara e Qendrës Globale Gjeodezike të Ekselencës (UN- GGCE).
Roli i UN-GGCE është angazhimi i përbashkët me shtetet anëtare dhe organizatat gjeodezike për të forcuar ndikimin në:

• Rritjen e investimeve në zinxhirin global të punëve gjeodezike;
• Përmirësimin e koordinimit dhe bashkëpunimit ndërmjet shteteve anëtare dhe organizatave të ndryshme gjeodezike;
• Shpërndarjen e të dhënave gjeodezike, përmirësimin e standardeve dhe kontributin në densifikimin e rrejtit gjeodezik global dhe rajonal mbi baza vullnetare;
• Ofrimin e asistencës teknike, veçanërisht për zhvillimin e kapaciteteve në gjeodezi për vendet në zhvillim;
• Ngritjen e vetëdijes për përfitimet nga gjeodezia që ato të jenë më të dukshme dhe të kuptueshme për shoqërinë.
  
  

Qëllimi i takimit ishte që të diskutohet rreth mbështetjes politike për gjeodezinë, e cila mundëson përshpejtimin në arritjen e objektivave të zhvillimit të qëndrueshëm dhe rritjen e përfitimeve në sferën sociale, mjedisore dhe ekonomike.