Zv. Drejtori Ekzekutiv i AKK-së Avni Ahmeti me bashkëpunëtorë priti në takim sot znj. Flutura Berbati Zena -  Zv. Drejtore Ekzekutive e Agjencisë për Ndihmë Juridike Falas, me bashkëpunëtoret e saj. Në takim morën pjesë edhe përfaqësues nga Programi i USAID-it për drejtësi dhe përfaqësues nga  Kompania Komtel .
Qëllimi i takimit ishte mundësia e ofrimit të qasjes në të dhëna kadastrale për Agjencinë për Ndihmë Juridike Falas, për verifikim për personat që kërkojnë ndihmë jurudike falas në këtë agjenci.
Në parim palët u dakorduan për mundësinë e ofrimit të qasjes bazuar në marrëveshjet dhe kriteret të cilat duhet të plotësohen nga palët, për tu pasuar nga takime tjera teknike, e në fund edhe trajnim të përdoruesve që do të marrin qasje.
Edhe ky aktivitet vjen në kuadër të reformave të AKK-së në këtë fushë me insistimin për zhvillime e avancime të reja për ofrimin e shërbimeve sa më të mira për qytetarët, duke digjitalizuar shërbimet dhe thjeshtësuar procedurat administrative.