Në vazhdën e angazhimeve të Agjencisë Kadastrale të Kosovës rreth promovimit dhe përdorimit të adresave zyrtare dhe unike të Republikës së Kosovës, është mbajtur një takim virtual me përfaqësuesit e kompanisë “Apple” përkatësisht” Apple Maps”.
Temë diskutimi në këtë takim ishte mundësia e bashkëpunimit në mes AKK-së dhe kompanisë “Apple”, përkatësisht paraqitja e të dhënave zyrtare të adresave ne platformën “Apple Maps”.
Specialisti i GIS-it Amir Sogojeva informoj përfaqësuesin e “Apple” rreth aktiviteteve të AKK-së përkitazi me Sistemin e Adresave dhe më pastaj u diskutua edhe çështja kryesore që është paraqitja e Republikës së Kosovës në platformën Apple Maps sikurse shtetet tjera me vijë kufitare shtetërore dhe të mund të kërkohet për të dhëna si shtet.
Si konkluzion i takimit ishte që të vazhdohet komunikimi derisa të zgjidhet problemi i paraqitjes së vijës kufitare të Kosovës në platformën “Apple Maps”.
Agjencia Kadastrale e Kosovës mbetet e përkushtuar në promovimin e produkteve të Kosovës, duke u përqendruar edhe në subjektivizmin e Republikës së Kosovës në arenën ndërkombëtare përmes produkteve të Agjencisë siç janë edhe Adresat.