Agjencia Kadastrale e Kosovës në bashkëpunim me USAID-in, po vazhdon me organizimin e punëtorive dy ditore me komunat partnere në kuadër të Aktivitetit Qeverisja e Pronës për të prezantuar: të arriturat, sfidat e rekomandimet për ZKK-të në fushën e të drejtave pronësore si dhe për rritjen e cilësisë së shërbimeve kadastrale.
Këtë radhë si komunë partnere ishte Komuna e Prizrenit dhe në punëtori përveç përfaqësuesve të Agjencisë Kadastrale e Kosovës, përfaqësuesve nga Aktiviteti për Qeverisje Pronësore i USAID-it dhe Zyres Kadastrale Komunale të Prizrenit, pjesëmarrës ishin edhe zyrtarë e drejtorë edhe nga drejtori të tjera komunale si ajo e Urbanizmit, Administratës, etj.
Punëtorinë e mbështeti edhe niveli udhëheqës i Komunës së Prizrenit nëpërmjet Kryetarit të Komunës Z.Shaqir Totaj, i cili në fjalën e tij theksoi rëndësinë e ofrimit të shërbimeve sa më të mira për qytetarët e komunës, duke vlerësuar edhe këtë aktivitet si ndihmë për administratën në rritjen e performancës.
Temë qëndrore diskutimi ishin gjetjet në Raportin e USAID-it për ZKK-në e Prizrenit, në lidhje me organizimin e mbrendshëm të ZKK-së, rrjedhën e punës së lëndëve, rrespektimi i afateve kohore, kushtet e punës, etj, si dhe hapat që duhet të ndërmarrë ZKK-ja me qëllim të ngritjes së nivelit të shërbimeve kadastrale.