Në vazhdën e pjesëmarrjes në Asamblenë e Përgjithshme, delegacioni i AKK-së ka takuar Kryetarin e EuroGeographics z. Colin Bray, Sekretaren e Përgjithshme dhe Drejtoren Ekzekutive zj. Sallie Payne Snell dhe Menagjeren e komunikimit zj. Patricia Sokacova.
AKK njoftoi të pranishmit me të arriturat e deritanishme si dhe planet e sfidat në zhvillimin e Kadastrit në Republikën e Kosovës. Gjithashtu palët u zotuan rreth bashkëpunimit për paraqitjen e të dhënave në hartën regjionale Evropiane, si dhe u diskutua koordinimi rreth përcaktimit të orarit të mbajtjes së Konferencës ndërkombëtare në Republikën e Kosovës për rolin e të dhënave gjeohapësinore.
AKK shfrytëzoi rastin të falënderoj përfaqësuesit e EuroGeographics për bashkëpunimin dhe përkrahjen e vazhdueshme profesionale dhe u pajtuan për thellim të këtij bashkëpunimi edhe në të ardhmen.