Sot gjatë ditës Zv. Drejtori Ekzekutiv i AKK-së Avni Ahmeti me bashkëpunëtorë mori pjesë në takimin e organizuar nga Asociacioni i Komunave të Kosovës me Drejtorë Komunal për Gjeodezi dhe Kadastër për të diskutuar Udhëzimet administrative për zbatimin e Ligjit për kadastër të pronës së paluajtshme të cilat aktualisht janë në fazën e konsultimit publik.
Edhe ky takim vjen në vazhdën e organizimeve që AKK-ja po realizon me palë të ndryshme të interesit në mënyrë që me gjithpërrfshirje të arrihet të adresohen kërkesat dhe rekomandimet e secilit që do ti zbatojë ato me hyrjen në fuqi.
Nga përfaqësues të Asociacionit të Komunave takimi u vlerësua i nevojshëm për të trajtuar edhe detaje që lidhen me organizmin dhe funksionimin në nivel lokal, me fokus ngritjen e nivelit të shërbimeve administrative.
Nga ana tjetër Drejtori Ahmeti edhe njëherë rikonfirmoi tek Drejtorët komunal që secili/a koment, kërkesë e rekomandim do të shqyrtohet nga grupet punuese në mënyrë që përmbajtja e Udhëzimeve administrative të jetë lehtë dhe plotësisht e implementueshme.