Pas aprovimit të Ligjit për kadastër të pronës së paluajtshme dhe fuqizimit edhe të Udhëzimeve administrative që rrjedhin nga ky ligj, Agjencia Kadastrale e Kosovës ka organizuar punëtori disa ditore për krijimin e Udhëzuesve të punës të cilat do të definojnë procedurat dhe detajet teknike që janë përcaktuar me legjislacionin e sapo aprovuar. Pjesë e punëtorisë përveç ekspertëve të AKK-së janë edhe zyrtarë të Drejtorive pë kadastër dhe urbanizëm, e gjithashtu edhe gjeodetë nga sektori privat.
Synimi i kësaj punëtorie është që të definojë me saktësi standartet dhe procedurat për regjistrim të të drejtave pronësore, azhurnimin e Kornizës së punës, krijimin e doracakëve të ri për informim sa më të mirë të qytetarëve për procedurat, afatet dhe shërbimet kadastrale, etj.
Punimet e kësaj punëtorie po mbështeten nga Aktiviteti për Qeverisje Pronësore i USAID-it.