Në kuadër të vizitave të rregullta ekspertët e misionit të Bankës Botërore të cilët janë të angazhuar direkt me projektin REGIP, nga data 03.06.2024  deri me datë 07.06.2024 do të qëndrojnë në Kosovë. Ata do të marrin pjesë në takime të ndryshme dhe me akterë e institucione të ndryshme, të cilat filluan sot në Agjencinë Kadastrale të Kosovës, ku u pritën nga stafi i AKK-së i udhëhequr nga Zv.Drejtori  Ekzekutiv, Avni Ahmeti.
Në takimin e parë drejtori bashkë me menaxhmentin e AKK-së, i informoi përfaqësuesit e Bankës Botërore në përgjithësi me progresin e të gjitha aktiviteteve të planifikuara për tu realizuar në këtë periudhë kohore, në kuadër të projektit REGIP, sfidat dhe planifikimet afatshkurta dhe afatgjata, etj.
Përfaqësuesit e BB-së përgëzuan AKK-në për angazhimin e deritanishëm për arritjen e objektivave të planifikuara në kohë optimale dhe në harmoni me kërkesat e tyre, duke kërkuar angazhim të mëtutjeshëm të stafit vendor në realizim sa më të suksseshëm të projekteve të REGIP-it në shërbim të të gjithë qytetarëve të vendit.
Gjatë vizitës së tyre në vendin tonë ekspertët e BB-së do jenë pjesë edhe e takimit të donatorëve dhe Komitetit ndërministror të cilat poashtu do të organizohen nga AKK-ja gjatë kësaj jave.
Kujtojmë që REGIP përbën një ndër projektet më kapitale të Agjencisë Kadastrale të Kosovës, i përbërë nga katër komponentë kryesore, që ka për qëllim mbështetjen ligjore e institucionale, modernizim e kadastrit, përmirësimin e infrastrukturës kombëtare për informacionin gjeohapësinor, menaxhim dhe ngritje të kapaciteteve.