Drejtori ekzekutiv i AKK-së Avni Ahmeti me bashkëpunëtorë nga AKK po marrin pjesë në Konferencën vjetore të INTERGEO e cila këtë vit po realizohet nga 24-26 Shtator në Stuttgart të Gjermanisë.
INTERGEO ofron një platformë ekskluzive ku kompani të ndryshme shfaqin zgjidhje inovative në fushën e gjeoinformacionit, por edhe një platformë për të mësuar rreth tendencave dhe zhvillimeve më të fundit në këtë industri.
Në këtë organizim do të prezentojnë arritjet e tyre më shumë se 100 folës dhe më shumë se 600 kompani do të prezentojnë pajisjet dhe teknologjinë e tyre të fundit.
Në fjalën e tij hapëse Kryetari i DVW e.V., Prof. Dr.Ing. Rudolf Staiger, tha: "INTERGEO jo vetëm ofron njohuri për teknologjitë më të fundit, por gjithashtu ofron një mundësi unike për të shkëmbyer ide me ekspertë ndërkombëtarë dhe për të krijuar kontakte të vlefshme. Për industrinë e gjeoinformacionit, INTERGEO 2024 është një domosdoshmëri absolute – një vend ku leksionet inovatore dhe zgjidhjet inovatore do të zënë vendin qëndrorë”.