Agjencia Kadastrale e Kosovës ka kënaqësinë të ju prezantojë Raportin Vjetor për vitin 2024, një vit ky plot arritje dhe zhvillime të rëndësishme në fushën e kadastrit.

Dekretimi i Ligjit për Kadastër të Pronës së Paluajtshme, hartimi dhe miratimi i 11 Udhëzimeve Administrative dhe 2 Udhëzuesve të Punës, ishin vetëm disa nga reformat e vitit që lamë pas.

Po ashtu ndër arritje tjera më të spikatura për vitin që e lamë pas veçojmë: miratimin e Strategjisë për Infrastrukturën Kombëtare të Informacionit Hapësinor (IKIH) të Republikës së Kosovës 2024-2028 dhe Planit të Veprimit 2024-2026, aprovimin e Rregullores për Organizimin e Brendshëm dhe Sistematizimin e Vendeve të Punës në Agjencinë Kadastrale të Kosovës, realizimin me sukses të mbi 13 projekteve kapitale, si dhe organizimin e Konferencës së Parë Rajonale “Avancimet në Digjitalizimin e Shërbimeve Kadastrale”, duke e vendosur Kosovën në qendër të diskutimeve për inovacionin dhe teknologjinë në rajon, për të cilat të arritura mund të informoheni përmes këtij raporti.

Ju ftojmë të shfletoni me kujdes përmbajtjen e këtij raporti, i cili përmbledh rrugëtimin, sukseset dhe vizionin e Agjencisë Kadastrale të Kosovës për një të ardhme me shërbime kadastrale më cilësore, me procedura të mirëdefinuara dhe fillimin e realizmit konkret të epokës digjitale në kadastër.