Në takimin e mbajtur ndërmjet grupit punues të AKK-së dhe Operatorit Ekonomik për zhvillimin e Gjeoportalit të AKK-së dhe Gjeoportalit NSII, u prezantua progresi i deritanishëm i këtij projekti të rëndësishëm.
Sipas progresit të arritur deri më tani, janë funksionalizuar shumë veçori të reja dhe të rëndësishme për përdoruesit. Me theks të veçantë, për herë të parë, në gjeoportalin e ri, do të publikohen edhe të dhëna mbi pronësinë e njësive kadastrale si dhe informata të tjera me vlerë për të gjithë ata që do përdorin këtë platformë.
Aktualisht, ndodhemi në fazën përfundimtare të analizës së projektit dhe në fillim të muajit Gusht 2025, do të bëhet lansimi i versionit demo për publikun e gjerë. Përdoruesit do të kenë mundësinë të japin 'feedback-un' e tyre, që njëherit është më se i nevojshëm, në mënyrë që platforma të jetë sa më funksionale, praktike dhe e lehtë për përdorim.
Përveç të dhënave të reja për njësitë kadastrale, do të ofrohen edhe funksione të reja për marrjen e produkteve, si ato me pagesë ashtu edhe pa pagesë. Ndërkohë, në platformën NSII do të ofrohen shërbime të ndryshme WFS dhe WMS pa pagesë për të gjitha të dhënat publike.
Agjencia Kadastrale e Kosovës, 𝐦𝐛𝐞𝐭𝐞𝐭 𝐩𝐫𝐨𝐦𝐨𝐭𝐨𝐫 𝐢 𝐩𝐚𝐧𝐝𝐚𝐥𝐬𝐡𝐞̈𝐦 𝐢 𝐝𝐢𝐠𝐣𝐢𝐭𝐚𝐥𝐢𝐳𝐢𝐦𝐢𝐭 𝐝𝐡𝐞 𝐭𝐫𝐚𝐧𝐬𝐩𝐚𝐫𝐞𝐧𝐜𝐞̈𝐬,
𝐝𝐮𝐤𝐞 𝐨𝐟𝐫𝐮𝐚𝐫 𝐳𝐠𝐣𝐢𝐝𝐡𝐣𝐞 𝐢𝐧𝐨𝐯𝐚𝐭𝐢𝐯𝐞 𝐪𝐞̈ 𝐮 𝐬𝐡𝐞̈𝐫𝐛𝐞𝐣𝐧𝐞̈ 𝐪𝐲𝐭𝐞𝐭𝐚𝐫𝐞̈𝐯𝐞, 𝐢𝐧𝐬𝐭𝐢𝐭𝐮𝐜𝐢𝐨𝐧𝐞𝐯𝐞 𝐝𝐡𝐞 𝐩𝐫𝐨𝐟𝐞𝐬𝐢𝐨𝐧𝐢𝐬𝐭𝐞̈𝐯𝐞 𝐭𝐞̈ 𝐟𝐮𝐬𝐡𝐞̈𝐬.