Nën organizimin e Shoqatës Ndërkombëtare të Gjeodetëve (International Federation of Surveyors) dhe Shoqatës së Gjeodetëve të Polonisë, me datat 11-15 Shtator 2022, në Varshavë të Polonisë u mbajt Kongresi i XXVII-të i FIG, ku në mesin e autoriteteve dhe ekspertëve për kadastër të shteteve nga e mbarë bota morri pjesë edhe Agjencia Kadastrale e Kosovës e përfaqësuar nga eksperti për kadastër z. Korab Ahmetaj.

Në kuadër të Kongresit si tema kryesore ishin: 

• Aplikacionet e ardhshme për Kadastër, mjedis, inxhineri dhe miniera;
• Profesioni i gjeodetit gjatë dhe pas kohës së Covidit;
• Të dhënat e hapura dhe qasja në to;
• Kompetenca e gjeodetit në disiplinat tjera.

Në kuadër të këtyre temave u mbajtën edhe shumë sesione dhe prezantime të cilat ishin në interes për marrjen e njohurive të reja dhe zhvillimin e gjithmbarshëm të Agjencisë Kadastrale të Kosovës. Po ashtu në kuadër të Kongresit u organizua edhe panairi për instrumente gjeodezike në të cilën morën pjesë kompanitë me prestigjioze për prodhimin e instrumeteve gjeodezike. Në fund të Kongresit u zgjodhën edhe Kryetari (Diane Dumashie nga Britania e Madhe) dhe dy zv. Kryetarë (Daniel Steudler nga Zvicrra dhe Winnie Shiu nga Shtetet e Bashkuara të Amerikës), që do udhëheqin me FIG për periudhën 2023-2026.