Gjatë vizitës së Delegacionit të Bankës Botërore, Agjencia Kadastrale e Kosovës organizoi një takim me operatorët ekonomikë që janë përgjegjës për mbikëqyrjen dhe realizimin e projektit të Rindërtimit të Kadastrit. Delegacioni vlerësoi progresin deri më sot si të kënaqshëm, duke theksuar rëndësinë e përfundimit me sukses të fushatës së matjes, që pritet të mbyllet brenda një muaji, për të filluar me fazat tjera të projektit.
Operatorët prezantuan statusin e punëve në terren dhe masat që po aplikohen për sigurinë e cilësisë së matjeve. U potencua se roli i tyre është kyç në përfundimin e fushatës dhe dorëzimin e materialeve teknike për fazat e mëvonshme. Pas kësaj faze, projekti do të vazhdojë me hartimin e dokumenteve ligjore, si dhe zyrtarizimin e integrimin e të gjitha të dhënave.
Agjencia mbetet e përkushtuar që, përmes koordinimit të ngushtë me partnerë, të garantojë cilësi, transparencë dhe efikasitet në këtë proces madhor.