Gjatë javës që e lamë pas, së bashku me delegacionin e Bankës Botërore, vizituam nga afër punimet që po zhvillohen në kuadër të Projektit të Rindërtimit të Kadastrit. Aktualisht, projekti është në fazën më të rëndësishme të tij, në fazën e fushatës së matjeve.
Suksesi i këtij procesi nuk varet vetëm nga institucionet dhe operatorët ekonomikë, por varet edhe nga ju.
Tani është koha juaj për të bashkëpunuar ngushtë me ekipet në terren, për të hapur dyert dhe për të dhënë mbështetjen tuaj të domosdoshme. Vetëm përmes bashkëpunimit të ndërsjellë, fushata e matjeve do të përfundojë me sukses.

Bashkëpunimi juaj është detyrë qytetare dhe kontribut i drejtpërdrejtë për të ardhmen e pronës suaj. Pa angazhimin tuaj, procesi nuk mund të ecë përpara me shpejtësinë dhe cilësinë që kërkohet.