Gjatë këtij takimi, O.E. prezantoi versionin e parë të sistemit të ri, i cili do të përdoret nga institucionet publike dhe private. Ky sistem do të lehtësojë ndjeshëm procedurat, që nga momenti i marrjes së të dhënave deri te përpunimi i tyre, duke mundësuar gjithashtu komunikim në kohë reale me zyrat kadastrale. Tashmë të gjitha aktet noteriale do të përpunohen fillimisht nga noterët dhe më pas do të trajtohen nga zyrtarët e ZKK-ve, duke rritur efikasitetin dhe transparencën e procesit. Së shpejti pritet të mbahen edhe takime të tjera gjithëpërfshirëse me noterë e akterë të tjerë relevant, për përdorimin e sistemit të ri.
Ky vit po shënon një hap vendimtar drejt digjitalizimit të shërbimeve kadastrale, duke i hapur rrugë një të ardhmeje më efikase, më transparente dhe më të qasshme për qytetarët dhe institucionet. Agjencia Kadastrale e Kosovës mbetet e përkushtuar që, përmes partneritetit me të gjitha palët e interesit t'a bëjë digjitalizimin realitet të prekshëm për çdo shërbim.