Në ambientet e Agjencisë Kadastrale të Kosovës, sot u mbajt një takim pune me përfaqësues nga Zyra për Administrimin e Pronës Publike, që funksionon në kuadër të Zyrës së Kryeministrit, ku u theksua rëndësia e koordinimit të institucioneve përkatëse, për një administrim më efikas dhe transparent të pronës publike.
Diskutimet u përqendruan në përmirësimin e proceseve të identifikimit dhe regjistrimit të parcelave të tokës, si dhe në forcimin e partneritetit ndërmjet AKK-së dhe Zyrës për Administrimin e Pronës Publike (ZAPP). Ky bashkëpunim synon të krijojë një sistem më të qëndrueshëm dhe të qartë në menaxhimin e të dhënave kadastrale dhe pronësore.