Drejtori Ekzekutiv i Agjencisë Kadastrale të Kosovës, z. Avni Ahmeti, priti në takim përfaqësuesit e Shoqatës së Gjeodetëve të Kosovës.
Tema kryesore e takimit ishte zhvillimi i modulit të ri për gjeodetë përmes sistemeve digjitale kadastrale, një proces që është në fazën përfundimtare drejt jetësimit dhe që do të mundësojë lehtësimin dhe avancimin e punës profesionale të gjeodetëve.
Gjatë takimit u diskutuan edhe çështje të tjera që lidhen drejtpërdrejt me profesionin e gjeodetit, me theks të veçantë për bashkëpunimin e mëtejshëm ndërmjet AKK-së dhe Shoqatës për zhvillimin e kapaciteteve profesionale dhe përmirësimin e shërbimeve në këtë fushë.