Agjencia Kadastrale e Kosovës (AKK) me qëllim të implementimi i projektit për kompletimin e Sistemit të Unifikuar të Adresave dhe ndërlidhjen e Regjistrit të Adresave me Regjistrin Civil kohë më parë kishte filluar vizitat nëpër Komuna. Qëllimi i këtyre vizitrave ishte identifikimit të aktiviteteve të ndërsjella me qëllim të implementimit të suksesshëm të këtij aktiviteti. Në vazhdën e këtyre takimeve, me datë 1 tetor një delegacion i AKK-së i përbërë nga Drejtori i Drejtorisë për Kadastër z. Avni Ahmeti dhe eksperti për adresa z. Berat Preniqi kanë vizituat komunën e Lipjanit dhe Obiliqit ku edhe kanë nënshkruar Memorandumet të Bashkëpunimit. Këto Memorandume për komunat ofrojnë mbështetje profesionale me staf mbështetës për mbledhjen e të dhënave të adresave në terren dhe mbështetje financiare për sinjalizimin e tabelave të emrave të rrugëve dhe numrave të hyrjeve. Ky bashkëpunim do të vazhdojë edhe me komunat tjera në javën e ardhshme ndërsa realizimi i projektit do të vazhdoj në muajt në vijim deri në përfundimin e tij.