Si rezultat i bashkëpunimit mes Ministrisë së Mjedisit, Planifikimit Hapësinor dhe Infrastrukturës dhe Ministrisë së Punëve të Brendshme, respektivisht Agjencisë Kadastrale të Kosovës dhe Agjencisë së Shoqërisë së Informacionit, është lancuar shërbimi i marrjes së certifikatës pronësore “online” përmes platformës digjitale eKosova për të gjithë ata qytetarë që kanë pronë të regjistruar në emër të tyrin personal e me numër personal. Ky shërbim paraqet avancim të rëndësishëm në ofrimin cilësor dhe në kohë reale të produkteve pronësoro-juridike për qytetarët e Republikës së Kosovës. Të bashkëngjitur mund të shikoni videon shpjeguese për hapat që duhet të ndiqni për pajisje me certifikatë pronësore përmes platformës digjitale eKosova, në https://www.rks-gov.net/.