Ministria e Drejtësisë në bashkëpunim me Organizatën për Siguri dhe Bashkëpunim në Evropë (OSBE) Misioni në Kosovë ka organizuar punëtorinë treditore për të mbështetur Ministrinë e Drejtësisë në përditësimin e Planit të Veprimit të Strategjisë për të Drejtat pronësore. Punëtoria ka shërbyer si një platformë për të diskutuar arritjet e bëra deri më tani që nga miratimi i strategjisë në vitin 2017 dhe të konsiderohen hapat e nevojshëm për të siguruar dhe mundësuar që pikat e Planit të Veprimit të zbatohen në një periudhë optimale. Pjesëmarrësit në këtë takim kanë diskutuar hapat e nevojshëm dhe janë dakorduar për përgjegjësitë institucionale dhe afatet kohore për zbatimin e të gjitha pikave të veprimit. Punëtoria është mbajtur nga data 2 deri më 4 nëntor, ndërsa Agjencia Kadastrale e Kosovës në këtë takim është përfaqësues nga zv. Drejtori i Drejtorisë Ligjore z. Bashkim Shaqiri.