Në takimin e përbashkët në mes AKK-së dhe përfaqësuesve të Odës së Përmbaruesve Privat të Kosovës, u diskutua për zhvillimet e fundit në AKK dhe mundësitë e ofrimit të shërbimeve të reja digjitale për përmbarues. Krijimi i mundësisë për regjistrimin e shënimit në Regjistrin e të drejtave pronësore, sikurse iu është mundësuar noterëve, do të jetë i mundshëm edhe për përmbaruesit privat. Në një afat të shkurtë kohor AKK-ja do të përgatisë mundësitë teknike për këtë qasje e cila do u prezantohet në një takim të përbashkët të gjithë përmbaruesve, duke marr nga ta edhe sugjerimet dhe kërkesat për përshtatje të nevojave të tyre në këtë sistem.
Gjithashtu pjesë e diskutimit ishin edhe kërkesat e përmbaruesve për ndryshime në formën e aktvendimeve për regjistrimin e urdhrit përmbarimor dhe qasjeve në sistemin online për ta. Oda e përmbaruesve falënderoi AKK-në për mundësitë e ofruara dhe bashkëpunimin e deritanishëm duke premtuar vazhdimin e praktikave të mira bashkëpunuese edhe në të ardhmen.