Zv. Drejtori i Përgjithshëm i Agjencisë Kadastrale të Kosovës z. Avni Ahmeti ka pritur në takim zv. Drejtorin e Sekretarisë Ekzekutive të Agjencisë Kosovare për Krahasim dhe Verifikim të Pronës z. Arben Pasjaqa, si dhe z. Bilbil Krasniqi përfaqësues nga OSBE.
Agjencia Kadastrale e Kosovës dhe Agjencia Kosovare për Krahasim dhe Verifikim të Pronës, do të vazhdojnë bashkëpunimin institucional të deritanishëm, me fokus angazhimin në zbatimin e rekomandimeve të dala nga Strategjia Kombëtare për të Drejtat Pronësore në Kosovë. OSBE do të mbështesë realizimin objektivave dhe aktiviteteve të të dy agjencive.
Agjencia Kadastrale e Kosovës është duke intensifikuar angazhimin në sigurimin e të drejtave pronësore përmes fuqizimit të bashkëpunimit institucional dhe ligjor, për të adresuar kërkesat dhe të drejtat e të gjithë qytetarëve në çështjet pronësore në vend.