Shoqata e Gjeodetëve në mbështetje të punëve dhe aktiviteteve të Agjencisë Kadastrale të Kosovës

14/06/2023

Në një takim të përbashkët informues për punët, projektet dhe aktivitetet e saj, AKK-ja të mërkurën ka ftuar Shoqatën e gjeodetëve dhe gjeodetët e licencuar. Në takim u prezentuan nismat e AKK-së për reforma ligjore (përfshirë Projektligjin e kadastrit, i aprovuar javën e kaluar në Qeveri), projektet e planifikuara për tu realizuar dhe fillimi i monitorimit të gjeodetëve dhe kompanive gjeodete të licencuara. Në veçanti u prezentua Moduli i gjeodetëve i cili do të iu ofrojë qasje më të lehtë dhe më të shpejtë gjeodetëve në regjistra kadastral, përfshirë edhe azhurnimin e të dhënave në pjesën grafike dhe tekstuale nga vet ata. U prezentuan poashtu edhe risitë e fundit në procesin e digjitalizmit të shërbimeve kadastrale dhe ofrimin e informacioneve në kohë reale për qytetarë.
Gjeodetët vlerësuan punën e AKK-së gjithashtu falemnderuan AKK-në për hapsirën e ofruar për ta për të kontribuar në ngritje të mëtejme të cilësisë së shërbimeve kadastrale dhe u zotuan për vazhdimin e bashkëpunimit të mirë që kanë me AKK-në. E AKK-ja në anën tjetër kërkoi bashkëpunim dhe përkrahje edhe nga ana e gjeodetëve dhe kompanive gjeodete të licencuara, në nismat e saja më qëllimin e përbashkët të të dyja palëve ngritjen e mëtejmë të nivelit të shërbimeve kadastrale.
Dinamizimi i projektit të RIK-ut ishte një kërkesë tjetër që u shtrua nga gjeodetët si propozim për planifikim afatgjatë në përfshirjen e të gjitha zonave kadastrale të Kosovës në projekt masiv të rindërtimit.
Në takim u diskututan edhe sfidat dhe problemet që gjeodetët hasin në punën e tyre të përditshme dhe u kërkua që të organizohen takime të rregullta të komunitetit të gjeodetëve me qëllim të këmbimit të përvojave ndërkolegiale. Kjo u premtua nga ana e Shoqatës së gjeodetëve, meqë aktualisht janë në proces zgjedhor për kryesinë e re të saj.

Shpërndaje në:

Të tjera

AKK dhe USAID organizojnë takimin e tetë me radhë të Komitetit të praktikave të mira

23/08/2024

AKK nënshkruan Memorandum bashkëpunimi me Kompaninë e sigurimeve PRISIG

22/08/2024

Shpërndahen licencat për gjeodetë

21/08/2024

Zv. Drejtori ekzekutiv i AKK-së takim me Kryetarin e Komunës së Novobërdës

16/08/2024

Hyn në fuqi Rregullorja për Klasifikimin e Vendeve të Punës në Agjencinë Kadastrale të Kosovës

15/08/2024
Frogot Password?

Ankesë

Kontakte

AKK

Rr. "Arbënor dhe Astrit Dehari" No. 25 

Ndërtesa e Arkivit / Kati II

10000, Prishtinë

Republika e Kosovës

Tel: 038 512 353

Email: akk@rks-gov.net