Zv. Drejtori i DL-së z.Bashkim Shaqiri dhe Zv. Drejtori i RDPP-së z.Hasim Pacolli morën pjesë gjatë të martës në punëtorinë e organizuar nga AKP-ja për procesin e komasacionit. Pjesë e këtij takimi ishte edhe Ministri i Bujqësisë Z.Faton Peci, Kryesuesi i Bordit të AKP-së z. Mentor Hyseni dhe Drejtori Ekzekutiv i AKP-së Z. Arben Limani.
Diskutimi në këtë punëtori u fokusua fillimisht në pengesat ligjore të identifikuara nga AKP-ja lidhur me procesin e komasacionit ku janë përfshirë pronat e Ndërmarrjeve Shoqërore.
AKK-ja në anën tjetër dha sqarime kronologjike sa i përket regjistrimeve të këtyre pronave në Regjistra kadastral, sfidat me të cilat përballen pronarët e tyre dhe rekomandimin që kjo çështje të zgjidhet sa më shpejt.
Kujtojmë që procesi I komasacionit ka qenë temë edhe e Komitetit për Administrimin e Tokës dhe Infrastrukturën Kombëtare për Informacion Hapësinor në Republikën e Kosovës të mbajtur muajin e kaluar, nga i cili komitet si rekomandim ka qenë edhe domosdoshmëria që në Ligjin për Komasacionin të përfshihen të gjitha institucionet, dhe të adresohen të gjitha sfidat ekzistuese të komasacionit.