Zv. Drejtori i përgjithshëm i AKK-së z. Avni Ahmeti së bashku me Zv. Drejtori i DL-së z.Bashkim Shaqiri dhe Zv. Drejtori i RDPP-së z.Hasim Pacolli morën pjesë gjatë të enjtes në punëtorinë e organizuar nga Departamenti i Shpronësimit  për procesin e bartjes dhe regjistrimit në kadasër të pronave të shpronësuara. Pjesë e këtij takimi përveç udhëheqësve nga Departamenti i Shpronësimit ishin edhe përfaqësues nga Agjencia Kosovare e Provatizimit e gjithashtu edhe drejtorët e pothuajse të gjitha Zyreve Kadastrale Komunale.
Diskutimi në këtë punëtori u fokusua fillimisht në elaborimin e procesit të shpronësimit, të arritura dhe sfidat të cilat e kanë përcjellur këtë proces ndër vite.
AKK-ja në anën tjetër dha sqarime kronologjike sa i përket regjistrimeve të këtyre pronave në Regjistra kadastral, sfidat me të cilat përballen pronarët e tyre dhe rekomandimin që kjo çështje të zgjidhet me një projekt gjithpërfshirës dhe masiv të planifikuar për tu realizuar nga Qeveria e Kosovës.
Kujtojmë që procesi i shpronësimit ka qenë temë edhe e Komitetit për Administrimin e Tokës dhe Infrastrukturën Kombëtare për Informacion Hapësinor në Republikën e Kosovës të mbajtur muajin e kaluar, nga i cili komitet si rekomandim ka qenë edhe domosdoshmëria që të adresohen të gjitha sfidat ekzistuese të shpronësimit.