Zv. Drejtori i përgjithshëm i AKK-së Avni Ahmeti së bashku me Zv. Drejtori i DL-së z.Bashkim Shaqiri dhe Ekspertin kadastrale Esat Xani,  të hënën priti në takim ekspertët e Bankës Botërore: Mediha Agar, Jonas Arp Fallov, Katarina Dulic dhe William Mccluskey, të cilët i informuan nga afër të pranishmit për projektin “Rritja e Cilësisë dhe Fushëveprimit të Regjistrimit të Tatimpaguesve”, të cilin BB-ja po realizon në bashkëpunim me Ministrinë e Financave dhe Administratën Tatimore të Kosovës.
Temë qëndrore e takimit me interes për përfaqësuesit e këtij projekti ishte mbledhja e të dhënave dhe informacionit mbi sistemin e administrimit të tatimit në pronë, identifikimi i sfidave dhe mundësive për të përmirësuar sistemin si nga perspektiva e politikave ashtu edhe nga ajo e zbatimit dhe diskutimi i ideve fillestare mbi rekomandimet dhe hapat e mëtutjeshëm.
Agjencia Kadastrale e Kosovës në anën tjetër shprehu gatishmërinë e saj për të bashkëpunuar në kuadër të këtij projekti me interes të veçantë për qytetarët e Republikës së Kosovës, sidomos në çështjet që ndërlidhen direkt me vlerësimin e pronës.