Në ditën e tretë të punimeve punëtorinë për hartimin e Udhëzimeve administrative për Ligjin për kadastër të pronës së paluajtshme e vizitoi Ministri i MMPHI-së Liburn Aliu.
Drejtori ekzekutiv i AKK-së Avni Ahmeti i prezentoi Ministrit progresin e punës sa i përket trajtimit të Udhëzimeve administrative dhe fokusin e AKK-së që draftet finale të përfundohen mbrenda një afati shumë të shkurtë kohor.
Ministri Aliu në fjalën e tij tha që nga ritmi i punës që paskeni bërë vërehet që plani ambicioz i AKK-së për të arritur që të përfundohen 11 udhëzime deri ne Mars eshte real dhe do të mund të arrihet. Këto udhëzime janë si rezultat i planit për reformë rrënjësore në fushën e kadastrit.
Z.Aliu gjithashtu tha që beson që me fuqizimin e këtyre udhëzimeve po krijohen kushte për krijimin e kadastrit të rregullt meqë pa kadastër të saktë dhe të rregullt nuk do të kishte as zhvillim ekonomik dhe as qëndrueshmëri financiare vendi.
Në fund ai premtoi mbështetje për AKK-në edhe në procedurat e mëtutjeshme deri në aprovimin e udhëzimeve.
Pjesë e punimeve edhe gjatë ditës së tretë ishin edhe përfaqësues nga USAID, ku në fjalën e saj Drejtoresha e Aktivitetit për Qeverisje Pronësore Jeniffer Ober vlerësoi lart progresin e punimeve të punëtorisë dhe faleminderoi AKK-në edhe për bashkëpunimin e shkëlqyer në kuadër të projektit të USAID-it.
Drejtori ekzekutiv i AKK-së falenderoi Ministrin për vizitën dhe mbështetjen që po i ofron AKK-së në vazhdimësi.