Agjencia Kadastrale e Kosovës organizon takimin e rregullt koordinues me donator

05/06/2024

Agjencia Kadastrale e Kosovës gjatë të mërkurës ka realizuar takimin e rregullt me donator me qëllim të koordinimit të aktiviteteve të asistencës financiare e zhvillimore për sektorët e kadastrit, pronës së paluajtshme, infrastrukturës dhe gjeoinformacionit në vend.
Të pranishëm në takim ishin përfaqësues nga Banka Botërore, USAID- Aktiviteti Qeverisja e Pronës dhe OSBE. Gjithashtu online pjesë e takimit ishin edhe përfaqësuesit e Drejtoratit francez të marrdhënieve ndërkombëtare, me të cilët planifikohet të fillohet bashkëpunim edhe më i thellë dhe më intenziv në muajt vijues.
Pjesëmarrësit në takim diskutuan mbi fazat aktuale dhe ato të planifikuara për të ardhmen, lidhur me aktivitet në fushën e kadastrit, programet ekzistuese dhe programet e reja të financimit, të cilat kanë për qëllim avancimin dhe përmirësimin e sektorëve të rëndësishëm në fushën e kadastrit. Në takim u diskutuan në detaje edhe mundësitë e bashkërendimit të aktiviteteve që përmirësojnë koordinimin, dhe rrisin nivelin e rezultateve në këtë fushë dhe eleminojnë të gjitha mundësitë për mbivendosje të aktiviteteve.
Donatorët nga ana tjetër vlerësuan punën, angazhimin dhe rezultatet e deritanishme, në projektet në realizim e sipër nga AKK-ja dhe premtuan vazhdimin e mbështetjes dhe koordinimit, me qëllim të arritjes së të gjitha objektivave të planifikuara nga AKK-ja për këtë periudhë kohore.
Takimet e natyrës së tillë koordinuese me donatorët ndihmojnë Agjencinë Kadastrale të Kosovës në planifikimin e aktiviteteve të rëndësishme, të cilat do të jenë gjithmonë në linjë me vizionin dhe përkushtimin e AKK-së në përmirësimin e shërbimeve kadastrale në Republikën e Kosovës.
Bashkëpunimi me partnerët ndërkombëtar e zyrat zhvillimore në vend është kyç për përmirësimin e kadastrit shtetëror, infrastrukturës, garantimin e të drejtave pronësore dhe zhvillimin ekonomik e social të vendit.

Shpërndaje në:

Të tjera

𝐀𝐠𝐣𝐞𝐧𝐜𝐢𝐚 𝐊𝐚𝐝𝐚𝐬𝐭𝐫𝐚𝐥𝐞 𝐞 𝐊𝐨𝐬𝐨𝐯𝐞̈𝐬 𝐤𝐚 𝐟𝐢𝐥𝐥𝐮𝐚𝐫 𝐩𝐮𝐛𝐥𝐢𝐤𝐢𝐦𝐢𝐧 𝐞 𝐨𝐫𝐭𝐨𝐟𝐨𝐭𝐨𝐯𝐞 𝐭𝐞̈ 𝐫𝐞𝐣𝐚 𝐧𝐞̈ 𝐆𝐣𝐞𝐨𝐩𝐨𝐫𝐭𝐚𝐥𝐢𝐧 𝐒𝐡𝐭𝐞𝐭𝐞̈𝐫𝐨𝐫

14/02/2025

Takimi Informues për Rindërtimin e Kadastrit në Kosovë

12/02/2025

Agjencia Kadastrale e Kosovës forcon partneritetin me EuroGeographics për shpërndarjen e të dhënave hartografike

11/02/2025

Vazhdon unifikimi i pronarëve të pronave të paluajtshme

07/02/2025

Disa sekuenca nga podcasti ekskluziv dhënë për Telegrafi.com me Drejtorin Ekzekutiv të AKK-së, z. Avni Ahmeti

06/02/2025
Frogot Password?

Ankesë

Kontakte

AKK

Rr. "Arbënor dhe Astrit Dehari" No. 25 

Ndërtesa e Arkivit / Kati II

10000, Prishtinë

Republika e Kosovës

Tel: 038 512 353

Email: akk@rks-gov.net