Me qëllim të ndërlidhjes së qytetarit me adresë zyrtare për unifikimin e përdorimit të adresave duke përjashtuar përdorimin e adresave jo zyrtare dhe jo unike, Agjencia Kadastrale e Kosovës ka nënshkruar dokumentin “Procedura Standarde e Operimit” me Agjencinë e Regjistrimit Civil dhe Agjencinë për Shoqëri të Informacionit.
Përmes këtij dokumenti përcaktohen përgjegjësitë e palëve në lidhje me procesin e ndërlidhjes së qytetarit me adresë si dhe përcaktohen procedurat për ndërlidhje. Sipas këtij dokumenti qytetarët deklarojnë adresën zyrtare duke u paraqitur në zyrat komunale të gjendjes civile ose duke deklaruar adresën përmes platformës E-Kosova. Procesi i ndërlidhjes së qytetarit me adresë zyrtare pritet të filloj në fillim të muajit tetor.
Agjencia Kadastrale e Kosovës iu bën thirrje të gjithë qytetarëve të Republikës së Kosovës ta deklarojnë adresën zyrtare dhe unike, meqë përfitimet e përdorimit të adresave zyrtare dhe unike janë të shumta, për marrjen shërbimeve kualitative dhe të shpejta.