Gjatë të hënës në ambientet e Agjencisë Kadastrale të Kosovës u nënshkrua Memorandum bashkëpunimi mes AKK-së, Institutit të Kosovës për Mbrojtjen e Monumenteve dhe Institutit Arkeologjik të Kosovës. Me këtë Memorandum synohet që mes tjerash të lehtësohen procedurat sa I përket kontributit që mund të ofrojë AKK-ja në identifikimin e potencialit arkeologjik dhe monumenteve të trashëgimisë, përkatësisht ofrimit i mundësive teknike me anë që qasjes në Regjistrin e të Drejtave mbi Pronën e Paluajtshme për paraqitjen e tyre në dokumentet zyrtare, që do të jetë në interes të përbashkët për realizimin e objektivave të secilit institucion.
Si kërkesë e AKK-së ishte edhe ofrimi i të dhënave për këto objekte, përfshirë edhe koordinata dhe përshkrim historik për to, nga ana e të dyja institucioneve në mënyrë që të njëjtat të vendosen në Gjeoportalin shtetëror dhe të jenë një mundësi e mirë edhe për promovimin e turizmit.