Nga sot, po heqim pengesat burokratike, po thjeshtojmë procedurën e licencimit, po heqim dokumentacionin e tepërt dhe po rrisim efikasitetin, në veçanti po kontribuojmë në mbrojten e konfidencialitetit të të dhënave.
Kjo arritje e rëndësishme nga Agjencia Kadastrale e Kosovës, financuar nga BE dhe Republika Federale e Gjermanisë, pëmes projektit te implementuar nga GIZ, përfaqëson një hap të rëndësishëm përpara në modernizimin, digjitalizimin dhe lehtësimin e barrës administrative për gjeodetë, ku tani, po reduktohen ndjeshëm pengesat burokratike dhe po ofrohet një zgjidhje që e mbështet zhvillimin dhe njëherit lehtëson punën e përditshme të gjeodetëve.
Përfitimet:
- Përmirësim i shërbimeve – Më pak burokraci, më pak vonesa dhe më shumë transparencë në çdo hap të procesit.
- Krijimi i një administrimi të drejtë dhe të besueshëm – Duke garantuar mbrojtjen e të dhënave dhe profesionalizëm të lartë në trajtimin e çdo procesi.
- Rritje e efikasitetit dhe forcimi i institucioneve – Reduktim i dokumentacioneve të tepërta dhe përmirësim i proceseve që sigurojné funksionim më efikas.
Në kuadër të lansimit të sotshëm, rreth arritjes së rëndësishme të Licencimit për Gjeodetë dhe Kompanitë Gjeodete folën dhe prezantuan:

Avni Ahmeti, Drejtor Ekzekutiv i AKK-së
Jeton Raka, Zv. Ministër i MMPHI-së
Kujtim Mustafa, Specialist i IT-së në AKK
Arben Salihu, Përfaqësues nga GIZ.

Një falenderim i veçantë për mbështetjen e vazhdueshme e të palodhshme, të gjithë bashkëpunëtorëve e kolegëve tanë nga GIZ Kosovo.