Si Agjenci Kadastrale e Kosovës, jemi krenarë që të shënojmë Ditën Botërore të Gjeodetit, për të shprehur mirënjohjen tonë për pararendësit tanë, pionierët e sotshëm të Gjeodezisë, dhe industrinë që ka formësuar historinë tonë dhe vazhdon edhe më tutje të kontribuojë në të mirën e përgjithshme të vendit.
Me rastin e shënimit të Ditës Botërore të Gjeodetit, Agjencia Kadastrale e Kosovës ka organizuar një koktej rasti në Hotel VENUS me gjeodetë, nga ora 19:00, më 21 Mars (E Premte), si një mundësi për të nderuar dhe festuar kontributin e gjeodetëve ndër vite, të cilët luajnë një rol të rëndësishëm në zhvillimin e shoqërisë sonë.
Ju presim me kënaqësi për të ndarë këtë ditë të veçantë bashkarisht, për të reflektuar mbi rëndësinë e këtij profesioni, për sfidat dhe arritjet e kësaj në këtë fushë të rëndësishme që ka formësuar historinë e këtij profesioni fisnik, e të dobishëm për të gjithë.