Në kuadër të projektit të REGIP, AKK ka ndërmarrë një iniciativë madhore për modernizimin dhe standardizimin e sistemit të adresave dhe instalimin e tabelave të numrave në vend.
Falë angazhimit të palëkundur, deri më sot janë instaluar 300,000 tabela të reja të numrave të adresave në 20 komuna anembanë Kosovës. Ky projekt, jo vetëm që lehtëson orientimin dhe qasjen në shërbime publike, por gjithashtu rrit sigurinë, përmirëson komunikimin administrativ dhe ndihmon zhvillimin e infrastrukturës moderne urbane dhe rurale.
Çdo tabelë është dizajnuar me kujdes të veçantë, duke respektuar standardet më të avancuara të lexueshmërisë dhe qëndrueshmërisë, duke i dhënë qyteteve dhe fshatrave të vendit një identitet më të qartë dhe më funksional.