Me qëllim të implementimit të eKadastrit përmes platformës eKosova, një grup gjithëpërfshirës ekspertësh të Agjencisë Kadastrale të Kosovës, respektivisht grupi për mirëmbajtjen e Sistemit të Informacioneve Kadastrale për Tokën në Kosovës ka mbajtur një takim me qëllim të trajtimit dhe tejkalimit të sfidave rreth këtij aktiviteti. Pjesë e këtij implementimi përveç certifikatës së pronësisë do të jetë edhe mundësimi i printimit të kopjes se planit dhe koordinatave te njësive kadastrale. Këto zhvillime synojnë të lehtësojnë pajisjen e qytetarëve me këtë dokument, punën e gjeodetëve të licencuar dhe palëve tjera të interesit.