Me datë 02.09.2025 kanë filluar zyrtarisht matjet për Rindërtimin e Kadastrit në Zonën Kadastrale Lez, Komuna e Prizrenit. Ky proces tërësor përfshin regjistrimin fillestar të pronave dhe është pjesë e një angazhimi më të gjerë institucional për të siguruar një regjistrim të saktë, të plotë dhe transparent përmes Rindërtimit të Kadastrit.
Qytetarët e kësaj zone kanë treguar pjesëmarrje aktive që në ditën e parë të matjeve, duke dhënë kontributin e tyre të drejtpërdrejtë në identifikimin dhe përfshirjen e çdo parcele, me qëllim të garantimit të të drejtave pronësore dhe përmirësimit të shërbimeve kadastrale.