𝐃𝐫𝐞𝐣𝐭𝐨𝐫𝐢 𝐄𝐤𝐳𝐞𝐤𝐮𝐭𝐢𝐯 𝐢 𝐀𝐠𝐣𝐞𝐧𝐜𝐢𝐬ë 𝐊𝐚𝐝𝐚𝐬𝐭𝐫𝐚𝐥𝐞 𝐭ë 𝐊𝐨𝐬𝐨𝐯ë𝐬, 𝐳. 𝐀𝐯𝐧𝐢 𝐀𝐡𝐦𝐞𝐭𝐢, 𝐬ë 𝐛𝐚𝐬𝐡𝐤𝐮 𝐦𝐞 𝐞𝐤𝐢𝐩𝐢𝐧 𝐩𝐫𝐨𝐟𝐞𝐬𝐢𝐨𝐧𝐚𝐥 𝐭ë 𝐀𝐊𝐊-𝐬ë, 𝐳𝐡𝐯𝐢𝐥𝐥𝐨𝐢 𝐧𝐣ë 𝐯𝐢𝐳𝐢𝐭ë 𝐩𝐮𝐧𝐞 𝐧ë 𝐊𝐨𝐦𝐮𝐧ë𝐧 𝐞 𝐆𝐣𝐚𝐤𝐨𝐯ë𝐬
Gjatë këtij takimi me Kryetarin e Komunës, z. Ardian Gjini, dhe Drejtorin për Gjeodezi, Kadastër dhe Pronë, z. Gjevalin Nikollbibaj, u diskutua nga afër mbi ecurinë e projektit madhor të Rindërtimit të Kadastrit, një iniciativë e një rëndësie të veçantë për zgjidhjen e çështjeve pronësore të trashëguara ndër dekada .
Në kuadër të këtij projekti në Gjakovë janë përfshirë këto zona kadastrale:

Gjakovë Qytet (Mulliri i Gutave),
Gjakovë Jashtë Qytet (Blloku i Ri dhe hapësirat pas Stacionit të Autobusëve),
Jahoc, si dhe
Zidi i Sadik Agës.

Në këto hapësira po zhvillohen matjet e imta topografike, verifikimi dhe zyrtarizimi i gjendjes faktike në terren, si dhe adresimi i trashëgimive të paformalizuara dhe informalitetit pronësor .
Në takim morën pjesë edhe përfaqësuesit e kompanisë GeoCad, operatori ekonomik përgjegjës për implementimin e punimeve në këtë lot, të cilët prezantuan dinamikën e punës dhe sfidat e hasura në terren .
Synimi themelor i projektit është të kthejë qartësinë dhe sigurinë juridike mbi pronën, duke garantuar një themel të qëndrueshëm për zhvillimin ekonomik dhe shoqëror. Për këtë arsye, ftohen të gjithë qytetarët e zonave të përfshira që të bashkëpunojnë ngushtë me ekipet në terren, të paraqesin dokumentacionin përkatës dhe të marrin pjesë aktive në proces.
Për të ofruar shërbime më afër qytetarëve, operatori ekonomik ka hapur dy zyra në Gjakovë:

𝐏ë𝐫𝐛𝐚𝐥𝐥ë 𝐪𝐞𝐧𝐝𝐫ë𝐬 𝐬𝐩𝐨𝐫𝐭𝐢𝐯𝐞 “𝐒𝐡𝐚𝐧𝐢 𝐍𝐮𝐬𝐡𝐢”, 𝐝𝐡𝐞
𝐍ë 𝐥𝐚𝐠𝐣𝐞𝐧 “𝐃𝐚𝐫𝐝𝐚𝐧𝐢𝐚”, 𝐧ë 𝐫𝐫𝐮𝐠ë𝐧 𝐤𝐫𝐲𝐞𝐬𝐨𝐫𝐞, 𝐩ë𝐫𝐛𝐚𝐥𝐥ë 𝐑𝐞𝐬𝐭𝐚𝐮𝐫𝐚𝐧𝐭 “𝐀𝐧𝐭𝐢𝐤𝐚”.
Për një orientim më të saktë, qytetarët mund të shfrytëzojnë edhe këtë link
https://maps.app.goo.gl/67MiyVtuFwSHfkAF6?g_st=ipc
Agjencia Kadastrale e Kosovës