𝑻𝒂𝒌𝒊𝒎𝒊 𝒊 𝑮𝒓𝒖𝒑𝒊𝒕 𝑻𝒆𝒌𝒏𝒊𝒌 𝒕ë 𝑬𝒌𝒔𝒑𝒆𝒓𝒕ë𝒗𝒆 𝒏ë 𝑨𝑲𝑲, 𝒑ë𝒓 𝒂𝒏𝒂𝒍𝒊𝒛𝒊𝒎𝒊𝒏 𝒆 𝒑𝒓𝒐𝒃𝒍𝒆𝒎𝒆𝒗𝒆 𝒕ë 𝒍𝒊𝒅𝒉𝒖𝒓𝒂 𝒎𝒆 𝒌𝒐𝒎𝒂𝒔𝒂𝒄𝒊𝒐𝒏𝒊𝒏 𝒆 𝒕𝒐𝒌𝒂𝒗𝒆 𝒃𝒖𝒋𝒒ë𝒔𝒐𝒓𝒆, 𝒏ë 𝒗𝒆ç𝒂𝒏𝒕𝒊 𝒑ë𝒓 𝒌𝒐𝒎𝒂𝒔𝒂𝒄𝒊𝒐𝒏𝒊𝒏 𝒆 𝒑𝒂𝒑ë𝒓𝒇𝒖𝒏𝒅𝒖𝒂𝒓 𝒕ë 𝒗𝒊𝒕𝒆𝒗𝒆 𝒕ë 80-𝒕𝒂
Takimi u zhvillua në një atmosferë jashtëzakonisht konstruktive, duke shërbyer si një platformë parësore për koordinim dhe shkëmbim të mëtejshëm të njohurive profesionale të akterëve, mbi avancimin e procesit të komasacionit.
Gjatë këtij takimi, u nxorën konkluzione me rëndësi paradigmatike për hapat e rradhës, ndërsa u theksua domosdoshmëria e konsolidimit të bashkëpunimit ndërinstitucional, si parakusht i pashmangshëm për arritjen e rezultateve konkrete për këtë çështje.
Në takim ishin të pranishëm:
Përfaqësues nga komunat dhe institucionet përkatëse
Përfaqësues të Agjencisë Kadastrale të Kosovës
Përfaqësues të Ministrisë së Bujqësisë, Pylltarisë dhe Zhvillimit Rural
Programi i takimit:
Fjala hyrëse – z. Avni Ahmeti, Drejtor Ekzekutiv Agjencia Kadastrale e Kosovës
Politikat e MBPZHR – z. Idriz Gashi, Shef i Divizionit për Shfrytëzimin e Tokës Bujqësore (Strategjia, Plani i Veprimit, Ligjet)
Prezantimet e anëtarëve të Grupit Teknik, përfshirë gjendjen aktuale dhe dokumentacionin për komasacionin e papërfunduar të viteve ‘80
Konkluzionet dhe mbyllja e takimit