Agjencia Kadastrale e Kosovës, në kuadër të Projektit të Rindërtimit të Kadastrit, sot ka mbajtur seancat për shqyrtimin e trashëgimisë në zonat kadastrale Deçan dhe Carrabreg.
Ky proces është një hap i rëndësishëm drejt evidentimit dhe zyrtarizimit të së drejtave pronësore të qytetarëve, duke garantuar transparencë, saktësi dhe përfshirje të plotë.
Deri më tani, janë evidentuar qindra raste trashëgimie në kuadër të këtij projekti, që po shqyrtohen me kujdes në bashkëpunim të ndërsjellë me qytetarët dhe OE.
Agjencia inkurajon të gjithë qytetarët të shfrytëzojnë këtë mundësi që është pa pagesë, për të zgjidhur çështjet e trashëgimisë dhe për të përfituar nga ky proces i rëndësishëm i Rindërtimit të Kadastrit.