Sot u zhvillua një vizitë e rëndësishme pune në mes përfaqësuesve të Bankës Botërore, Agjencisë Kadastrale të Kosovës, OE dhe qytetarëve, në zonën kadastrale të Drekocit, Komuna e Shtërpcës.
Qëllimi i vizitës ishte shqyrtimi i një zone kadastrale që përfshin një komunitet të përzier, e që aktualisht është pjesë e projektit të rindërtimit të kadastrit. Kjo vizitë paraqet një hap të rëndësishëm drejt forcimit të koordinimit institucional dhe mbështetjes së zhvillimit për komunitetet lokale.
Gjatë takimit, u diskutuan një sërë çështjesh të rëndësishme që lidhen me trashëgiminë, informalitetin dhe proceset teknike kadastrale. Një vëmendje e veçantë i'u kushtua angazhimit të komuniteteve në proces, ku edhe pjesëtarët e komunitetit serb morën pjesë aktive dhe shprehën kënaqësinë e tyre për bashkëpunimin e ndërsjellë dhe ecurinë e projektit.
Kjo vizitë përforcon angazhimin e përbashkët për transparencë, bashkëpunim dhe zhvillim të qëndrueshëm.