Në ambientet e Agjencisë Kadastrale të Kosovës, u nënshkrua Memorandumi i Bashkëpunimit ndërmjet Agjencisë Kadastrale të Kosovës përfaqësuar nga Drejtori Ekzekutiv z. Avni Ahmeti dhe Odës së Noterëve të Kosovës përfaqësuar nga Kyetari i Odës z. Shpend Haskaj
Qëllimi i këtij bashkëpunimi është të rrisë efikasitetin dhe sigurinë në proceset noteriale dhe kadastrale, përmes përdorimit të sistemit elektronik SIKTK të Modulit të Noterëve, të menaxhuar nga AKK.
Ky memorandum përcakton procedurat e qasjes së noterëve në sistem, ngarkimin elektronik të akteve noteriale të plotfuqishme dhe të ekzekutueshme, si dhe rregullat e sigurisë që garantojnë një proces profesional dhe transparent.
Bazuar në këtë bashkëpunim të ndërsjellë:
AKK siguron qasje teknike dhe ndërlidhje direkte me sistemin;
Noterët do të kenë mundësi të ngarkojnë elektronikisht aktet noteriale të plotfuqishme dhe të ekzekutueshme;
Dokumentet do të përpunohen më shpejt nga ZKK-të për regjistrimin e të drejtave pronësore;
Rritet siguria, transparenca dhe efikas.
Ky bashkëpunim përfaqëson një hap të rëndësishëm drejt digjitalizimit, rritjes së sigurisë juridike dhe përmirësimit të shërbimeve për qytetarët, duke kontribuar në modernizimin e proceseve të pronësisë dhe noterisë në Kosovë.