Drejtori Ekzekutiv i Agjencisë Kadastrale të Kosovës, z. Avni Ahmeti, u prit nga Kryetari i Komunës së Parteshit z. Dragan Petković.

Drejtori Ahmeti e informoi Kryetarin Petković për përfitimet e qytetarëve të kësaj komune nga njëri prej projekteve më të rëndësishme që po zhvillon aktualisht Agjencia Kadastrale e Kosovës, Rindërtimin e Kadastrit. Ky projekt synon adresimin e mospërputhjeve mes gjendjes faktike në terren dhe të dhënave të evidentuara në Regjistrin e të Drejtave mbi Pronat e Paluajtshme, përfshirë zyrtarizimin e transaksioneve joformale, regjistrimin e trashëgimive, etj.

Projekti parasheh rindërtimin dhe përditësimin e informacioneve kadastrale, në dy zona kadastrale të Kllokotit: Zk. Budrigë e Poshtme dhe Zk. Pasjan.

Mes tjerash u diskutua edhe për zhvillimet e fundit në AKK me fokus projektin e sapofilluar të korrektimit të të dhënave të pronarëve si dhe sfidat me të cilat përballet kjo ZKK, mandej lehtësirat të cilat iu ka sjellur digjitalizimi i shërbimeve kadastrale atyre, etj.