Sot Agjencia Kadastrale e Kosovës ka nënshkruar kontratën me konsulentin ndërkombëtar Frank Haugan, për të hartuar Strategjinë Kombëtare të Informacionit Hapësinor (IKIH) për periudhën 2023-2028.
Kjo Strategji për IKIH do të jetë një udhërrëfyes për mënyrën e grumbullimit, mirëmbajtjes, shpërndarjes dhe përdorimit të qëndrueshëm të informacioneve hapësinore si dhe shkëmbimit më të mirë nëpërmjet zbatimit të standardeve të informacioneve dhe shërbimeve efektive ndërvepruese të cilat do të përdoren nga autoritete publike dhe private brenda territorit të Republikës së Kosovës.
Informacioni hapësinor i përbashkët dhe i integruar është thelbësor për vendimmarrje, dhe kjo strategji do të shërbej si bazë për përmbushjen e detyrimeve sipas Ligjit për IKIH në Republikën e Kosovës dhe Direktivës së BE-së INSPIRE (2007/2/EC).
Hartimi i kësaj strategjie është pjesë e Planit Kombëtar për Zhvillim dhe do të aprovohet nga Qeveria e Republikës së Kosovës.