Me qëllim të ofrimit të ndihmës teknike, praktikës këshillëdhënëse në fushën e gjeodezisë, kadastrit, pronës si dhe ofrimit të të dhënave gjeohapsinore nga ana e Agjencisë Kadastrale të Kosovës, zv. Drejtori i Përgjithshëm i AKK-se z. Avni Ahmeti u takua me Kryeshefin e N.H. "Iber Lepenc" z. Faruk Mujka, të cilët diskutuan për thellimin e bashkëpunimit dhe planin e veprimit sa i përket fushave të përbashkëta të interesit me theks të veçantë qasjen në SIKTK, gjithashtu sqarimin e procedurave për azhurnimin e të dhënave grafike për pronat e N.H. "Iber Lepenc", regjistrimin e vendimeve të servitutit, harmonizimin dhe korrektimin e emërtimeve të ndërmarrjes në sistemin kadastral, digjitalizimin e arkivës e të ngjashme.
Agjencia Kadastrale e Kosovës u zotua se do të bashkëpunojë ngushtë në rrafshin profesional dhe ndërinstitucional me të gjtha kapacitetet që i nevojiten N.H. "Iber Lepenc" në çështjet e pronës, gjeodezisë dhe kadastrit.