Ekspertë nga Agjencia Kadastrale e Kosovës ishin pjesë e Konferencës Regjionale për Zvogëlimin e Barrës Administrative me titull "Formësimi i agjendës për zvogëlimin e barrës administrative në Ballkanin Perëndimor – Mundësitë, Sfidat, Reformat".
Kjo Konferencë organizohet nga Zyra e Kryeministrit në bashkëpunim me projektin “Mbështetje për proceset reformuese të Kosovës në kuadër të integrimit në BE”, që financohet nga Bashkimi Evropian dhe Qeveria Gjermane (GIZ).
Në këtë konferencë ka pjesëmarrës nga institucione të niveleve qëndrore e lokale vendore dhe të vendeve të regjionit, përfshirë zyrën e Kryeministrit, udhëheqës të Zyres së BE-së në Kosovë, ekspertë nga GIZ, Banka Botërore, ministritë, agjencitë, etj.
Konferenca trajton elementet kryesore të agjendave ambicioze të reformës për përmirësimin e mjedisit rregullator dhe ofrimit të shërbimeve për qytetarët dhe bizneset, e gjithashtu synon nxitjen e diskutimeve produktive rreth parimeve të përditësuara të OECD/SIGMA për administratës publike, me fokus të veçantë se si ky përmirësim mund të ndikojë në hartimin dhe mbikëqyrjen e agjendave të reformave në rajon.