Sot në Prishtinë, drejtori ekzekutiv i AKK-së, Avni Ahmeti, bashkë me Kryetarin e Komunës së Prishtinës, Përparim Rama, morën pjesë në takimin informues me qytetarë, për Projektin e Rindërtimit të Kadastrit.
Agjencia Kadastrale e Kosovës do të jetë në terren në ditët në vijim, duke i informuar qytetarët nga afër, rrjedhimisht duke kontribuar në harmonizimin e gjendjes faktike të pronave me regjistrat zyrtarë – një hap tejet i rëndësishëm drejt zgjidhjes së paqartësive pronësore dhe rritjes së sigurisë juridike në vend.
Projekti për Rindërtimin e Kadastrit është një hap i madh drejt një sistemi më të drejtë, më transparent dhe më funksional për të gjithë qytetarët, dhe i tërë ky proces që do përfshijë 115 zona kadastrale në mbarë Kosovën, do jetë pa asnjë kosto për qytetarë.